تعلم سماعي راست لطاتيوس أفندي.
طارق الجندي:
"مرحبا أنا طارق الجندي من اعزف دوت كوم واليوم بادرس رقم تسعتاش وعشرين راح نعزف آخر مقطوعة بهادا الكورس اللي هي سماعي راست نطلع للسماعي الموجود عندنا نعرف انه مقام الراست هو مقام الرئيس في الموسيقي العربية وزي ماهو موجود عنا الخانة الأولي نحاول نقرأها (يقرأ الأستاذ طارق من النوتة).
نحاول نعزفها (يعزف الأستاذ طارق التمرين).
نشوف التسليم (يقرأ الأستاذ طارق من النوتة)نحاول نعزف التسليم (يعزف الأستاذ طارق التمرين)سيكوندا (يعزف الأستاذ طارق التمرين)سماعي كتير سهل من ناحية النوت مافي شئ من ناحية الأداء راح نحكي عنه هلأ نقرأ الخانة التانيه وبدنا نشوف انه صار عنا علامة تحويل اللي هي لا بيمول (يقرأ الأستاذ طارق من النوتة).
هاذا المقام اللي احنا شايفينة (يعزف الأستاذ طارق التمرين) أول جنس منة راست دو (يعزف الأستاذ طارق التمرين) بعدين حجاز صول (يعزف الأستاذ طارق التمرين)حكينا عنه بالكورس الأول بنسمية سوزناك اللي هو بيبلش من راست الدو (يعزف الأستاذ طارق التمرين)وحجاز الصول (يعزف الأستاذ طارق التمرين) من درجة الخامسة بتبلش نغمة الحجاز فالما يكون عندي راست ومقام حجاز من الدرجة الخامسة بنسمية سوزناك نحاول نعزفة (يعزف الأستاذ طارق التمرين).
بدي أحاول أعزفلكم الخانة الأولي التسليم والخانة التانية بدون انقطاع (يعزف الأستاذ طارق التمرين)هيك بنكون عزفنا الخانة الأولي التسليم والخانة التانية من سماعي راست والحصة الجية راح نعزف الخانة التالتة والرابعة بدي ألفت نظركم لشغلة كتير مهمة هاي المقطوعات بحاجة لسمع زي ماهي بحاجة لتمرين مش دايما الموسيقي بتكون مرتبطة بأصابعي لأنة هاي هي آلتنا الرئيسية اللي احنا بنستخدمها لازم نسمع كتير ونشوف كيف أسلوب الأداء اللي بيصير عند المؤلف وعند العازف لما بيجي يسجل هاي المقطوعات سماعي راست لطاطيوس أفندي احنا اخدنا حجاز كاركورد لطاطيوس أفندي وهو من السماعيات الكلاسيكية بالعهد العثماني في له كتير تسجيلات ممكن نطلع عليها ونحاول نقلد وكتير مهم بعد مانقرأ الجمل نحاول نغنيها لأنة الجمل اللي الواحد بيقدر يغنيها بيقدر يعبر عنها بشكل أكبر.
أشوفكم الحصة الجاية."